Номын тухай

Хол замын ханилгаа, амьдралын хат, гэгээн алс тийш зорьсон уяранга зөөлөн сэтгэл, өөрийнхөөрөө байх адранга араншин, бас нам жим таг чиг алга болох гээд уран бүтээлчийн хувьхан Эрдэнэбатын төрх төлөв хэдүйнээ утга зохиолын хүрээ, уншигч олны эн хэмжээнд нэгэнт байраа эзэлжээ. Монголын зохиолчдын эвлэлийн шагналт, шилдэг бүтээлийн "Алтан Өд" шагналт, "Утгын чимэг"-ийн эзэн зохиолч Магваны Эрдэнэбатын бүтээлийн цоморлиг "Хүйтэн бороо" уншигч тань руу шивэрч эхэллээ. Хүйтэн бороонд дулаацах учир бас бий.