Зохиолч Б.Удамгэрэлийн шинэхэн гарсан “Нууц задарсан цагт тэр амьд байхгүй...” зохиол бол орчин үеийн детектив жанрын роман юм.

      ...25 настай Сондор бүсгүйн амьдрал ганцхан шөнийн дотор орвонгоороо эргэсэн байв. Гэртээ унтаж байсан бүсгүй яагаад эмнэлгийн лабораторид сэрэв? Юу болсон юм бэ? Ердөө өчигдөр оройноос хойш бүх юм яагаад ийм өөр болчихов?

Зохиолын гол баатар Сондор бүсгүйн өнгөрсөн 20 жилийн амьдрал гэнэт яагаад ор мөргүй алга болчихов? Сондор юуны золиос болж, ямар нууц хадгалж буйгаа өөрөө ч мэдэхгүй яваа нэгэн. Тэр ч бүү хэл Сондор өөрийгөө 25-тай гэж бодож явтал энэ нь тийм биш болж таарна. Харин түүний биологийн нас бол... Чухамхүү түүний энэ л нууцын эргэн тойронд зохиолын үйл явдлууд нь ар араасаа өрнөх болно.

Энэхүү зохиолд шинжлэх ухааны бодит фактууд, тэдний энгийн бөгөөд ойлгомжтой тайлбарууд орсон бөгөөд хүний амьдралд байх хайр сэтгэл, нөхөрлөл, хагацал, бас нүглийн төлөөс гэж чухам юу байдгийг, баатруудын дотоод ертөнц болон тэдний сэтгэлзүйг маш нарийн харуулсан билээ. Тиймээс зохиолыг шинжлэх ухааны уран зөгнөлт адал явдалт детектив гэж хэлж болно. Энэхүү зохиолын сюжет нэн сонирхолтой учраас уншигч Таныг "дараа нь яах бол?" гэж догдлуулан ТӨГСӨВ хүртэл дагуулан хөтлөх болно.