Номын тухай

Уран зохиолыг бичих жор байдаггүй гэдэг. Нийтээр үүнийг баримтладаг. Ямарваа тодорхой уран бүтээлийг хэрхэн яаж бүтээх жор байдаггүй нь үнэн ч, уран бүтээлийг бүтээдэг ерөнхий зүй тогтол байдаг. Номын зохиогч Д.Батбаяр энэхүү зүй тогтлын эрэлд гарч, эрсэнийхээ хүчинд тодорхой зүй тогтлыг олж, түүнээ тодорхой зүй тогтлоор байрлуулан бичсэн байна. Зохиол бичихийн тулд юуны өмнө урлаг, уран зохиол гэж юу болохыг, түүнийг хэрхэн бүтээн туурвиж, хэрхэн яаж урладагийг сайн ойлгодог байх ёстой. Чухам энэ л учраас зохиолч болохыг хүсч, бүтээл туурвилын замд эргэж буцалтгүй орсон залуу хүнийг жинхэнэ урлаг, уран зохиолыг ойлгодог болоосой гэсэндээ энэхүү номыг бичжээ.