Номын тухай

П.Нямдаваа багш АУДЭС-ийг дүүргэж хүний их эмч болж, анагаах ухааны дэд эрдэмтнийхээ зэргийг Герман улсад, Анагаахын шинжлэх ухааны докторынхоо зэргийг Орос улсад хамгаалсан нь Alma Mater буюу эрдмийн ЭХ сургуулиуд түүний өндрөөс өндөрт нисэх даль жигүүрийг нь ургуулж өгсөн гэлтэй. Түүний сэтгэн бодох, бүтээж туурвих, цогцлоон бүтээх их үйлс нь хөдөлмөр бүтээл ундран оргилсон он жилүүдтэй учран золгосон байдаг юм. Харин түүнтэй аз тохиосон явдал огт үгүй. Багшийн бүхий л амжилт бүтээл бол зөвхөн түүний чилээн байж хөдөлмөрлөсөн оролдлого зүтгэлийнх нь үр шим байсан гэдэгтэй хэн ч маргахгүй. Үндэс суурь нь сайн тавигдсан эрдэм боловсрол мөн ч их «мөлжүүр»-тэй байдгийн жишээг тэр амьдралаараа харуулсан хүн.