Номын тухай

Энэ номыг эцэг, эхчүүд хүүхдийнхээ “эрүүл бие, саруул ухааны төлөө” чухамхүү юуг мэдвэл зохилтойг нотолгоонд суурилсан орчин үеийн анагаах ухааны мэдээлэл, мэдлэг, туршлага дээр тулгуурлан туурвисан байна. Эцэг эхчүүд хүүхдээ эмчид үзүүлж зөвөлгөө авахдаа холбогдох мэдээллийг урьдчилан уншиж, эрүүл мэндийн боловсролтой болох нь эмчдээ зөв асуулт тавьж, хариулт авах, эргэлзээтэй зүйлээ тодруулах, тавьсан онош, өгсөн зөвөлгөөг баттай ойлгоход тустай байдаг. Номыг “Асуулт-Хариулт” хэлбэрээр бичиж холбогдох зургаар баяжуулан гол нэршлийг англи хэллэгээр хадаж өгсөн нь хэрэгтэй зүйлээ төвөггүй олох, ойлгоход тустай болжээ. Уг номноос та 5 хүртэлх насны хүүхдийн өсөлт хөгжил, тэдэнд зонхилон тохиолдох өвчин эмгэгийн талаарх зөвөлгөөг авах болно.