Инээдмийн урлаг дотроо олон төрөл зүйлд хуваагддагийн нэг нь ёгт үлгэр. Хүний элдэв явдал зан аалийг төстэй амьтан дээр аваачиж дам байдлаар үзүүлэхийг ёгт үлгэр гэдэг Аливаа дутагдал доголдлыг ил хэлэх бололцоогүй хаалттай нийгмийн үед дам байдлаар үзүүлэхэд энэ төрөл их хэрэг болж байжээ. Бичгийн уран зохиолд ёгт үлгэрийн эцгийг манай тооллын өмнөх зургадугаар зуунд амьдарч байсан эртний грекийн Эзопийг гэж нэрлэдэг.Тэрнээс хойш 17 дугаар зууны францын Ж. Лафонтен , 18 дугаар зууны Оросын Крылов нар энэ төрлөөр ихээхэн алдаршжээ. Хэвлэлийн ахмад ажилтан Ванчингийн Авирмэд дэлхийн ёгт үлгэрийн хаадын нэг гэж зүй ёсоор хэлэгддэг Иван Андреевич Крыловын алдартай ёгт үлгэрүүдийг ихээхэн хичээл зүтгэл гарган орчуулж уншигчиддаа толилуулж байна. Эдгээр ёгт үлгэрт гарч байгаа үйл явдлууд манай өнөөгийн олон зүйлтэй төстэй санагдаж, гайхлыг чинь төрүүлэх байх.Тэрнээс гадна ёгт үлгэр ерөнхийдөө сургамжилсан өнгө аястай байдаг. Энэ шинжээрээ өсвөр насны хүүхдийн уншиж ухаарах нэгэн эх булаг болж байдаг билээ.