Номын тухай

Оюун ухаант хүн болж төрнө гэдэг их хувь заяа гэдэг. Хорвооертөнц маань ганцхан. Тэр ганц хорвоод бид олон зуун үндэстэн ястан, ард түмэнтэй хамт амьдарч байна. Ийнхүү хүн төрөлхтний бүтээсэн соёл, иргэншил, түүх нь дэлхийн сонгодог уран зохиолдбахдам сайхан хадгалагдан үлджээ. Гадаадын уран зохиолын эмхэтгэл энэ хоёр цуврал номыг уншиж судалснаар бид даяаршлын-эринд хөл нийлүүлэн алхах болно.

Нарт ертөнцийн нандин сайхан албыг хашиж, бас номд шунандурлаж, уйгагүй мэрийж эдгээр зохиолуудыг бусдаас түрүүн эмхэтгэн хэвлэх зориг, ухаан, хичээл зүтгэл гарган тэмүүлсэн багц П.Лхамсүрэн, Д.Юнгэрэн нарт мянга мянган шавь нар нь, мэргэжил нэгт багш нар талархан баярлаж байгаа нь лавтай. Учир юу гэвээс гадаадын уран зохиол нь хүн бүрд ухаарлын хөтөч болж, номын-амтыг мэдрүүлдэг жамтай. Бие, хэл, сэтгэл гэдэг нь хүн та өөрөө бөгөөд хэл, яс, үндэс, газар нутаг, ёс заншил үл харгалзан дүрээр, дүрслэлээр, ойлголцох гол түлхүүр болдог нь уран зохиолын ир шид гэлтэй. Ийнхүү хүмүүний амьдралын жам ёс, түүх соёл, алдаа оноо сургамж зэргийг бид уншиж судлан дэлхийн соёлоос хүртэн ижилсэж, уран зохиолыг ойлгуулах, ухааруулах, их үйлстээ зориг шулуудсан мөч бүрд энэ эмхэтгэлүүд гарын авлага "бэлэн будаа" болох нь дамжиггүй. Монголын уран зохиолд хүч түрэн орж ирсэн гадаадын сонгодог уран зохиол, орчуулгын зохиолуудаас судлан уншиж, номын амтанд орох шавь нартаа буян үйлдэж, мэргэжил нэгт багш сурган хүмүүжүүлэгчдэдээ "нэг дороос бүгдийг" цаг хэмнэн үзэж судлах завшаан олгосон багш нартаа хүүхдийн хаант улсад эзэн суух хувь тохиосон алтан мөчүүд тань зуун дамжин өртөөлж алдар нэрээ номонд мөнхөлсөн хөдөлмөр зүтгэл тань түмэнд үнэлэгдэж үеийн үед дурсагдах болтугай хэмээн ерөөж үгэн цацал өргөе.

(АБТА, магистр, тэргүүлэгч багш Эсимхан Гүлжайнар)