Номын тухай

Мирай  хэвлэлийн газраас "БИ3 НАСТАЙ" сар тутмын номыг 3 настай хүүхдүүд, тэдний эцэг, эхэд зориулан гаргаж байна. Энэхүү ном шинжлэх ухааны сүүлийн үеийн ололт нээлт, дэлхийн улс үндэстнүүдийн сайн соёлыг судлан сургуулийн өмнөх насны багачуудын хараа, сонсгол, ой тогтоолт, гарын эвсэл, анхаарал төвлөрөл, танин мэдэхүйг насных нь онцлогт тааруулан хөгжүүлэхийг зорьж байна.

Хүүхэд бол эцэг эх, багш гээд тэдэнтэй харьцдаг бүх л хүмүүстэй үүсгэж буй харилцаанаас төлөвшлөө олж авдаг. Тиймээс багачуудын хамгийн ойр дотнын хүн эцэг эх та бүхэн 3, 4, 5 настай хүүхдийн цэвэр тунгалаг ертөнцийг хамтдаа нээж бяцхан үрдээ бодож сэтгэх, бие даах чадвар, өөртөө итгэх итгэлийг олж авахад нь цагаа харамгүй зараарай. "Би" цуврал ном бол хүүхдийн ном төдийгүй эцэг эх таны ч ном мөн.

Та бүхний санал, шүүмжийг дуртайяа хүлээн авч "Би" цуврал номын агуулгад тусган ажиллах болно.

Редакцын зөвлөл