Номын тухай

Энэ номонд эртний болон өнөө үеийн хосгүй гайхамшигт барилга байгууламжийн тухай өгүүлнэ. Зөвхөн барилга байгууламжийн тухай төдийгүй тухайн үеийн хүмүүс нь хэрхэн хүлээн авч үнэлж дүгнэж байсныг бас гаргана. Дэлхийд цуутай хотууд нь тухайн хүн тэр хотод очиж байсан эсэхээс үл шалтгаалан хүний сонирхол шохоорхлыг татдаг билээ. Францын нийслэл Париж гэж хэлэхэд л уншигч бүрийн санаанд киноноос ч юмуу гэрэл зургийг нь харсан, хаа нэгтээ уншсан Луврын алдарт музей, Дарь эхийн сүм, Эйфелийн цамхаг бууна. Германы нэгэн эрдэмтэн Итали улсыг "асар том Луврын музей" гэж нэрлэсэн удаатай. Венеци хотын суваг шуудуу, Флоренц, Болонь хотуудын төв хорооллууд, дэлхийд цуутай Тревийн усан оргилуурын тансаг гоо сайхныг үгээр дүрслэх аргагүй билээ.