Том Биллингс Номхон далайн өмнөд хэсэгт орших Капрона аралд хүрч, Баувен Тайлорыг л эрж олох хэрэгтэй байв. Хөндлөнгөөс сонсоход амархан мэт санагдаж байлаа. Гэвч арал дээр өөрийн багийн хамт ирсний дараа эртний галвын нэгэн амьтантай агаарт тулалдаж онгоцоо эвдсэнээр Биллингс нөхдөөсөө төөрнө. Биллингс ба Тайлор хоёрыг зааглах нутгийг эндхийн хүмүүс Каспак гэж нэрлэдэг аж. Арлын цаг агаар маш халуун, өвс ногоо шигүү ургасан, хатуу ширүүн газар ажээ. Биллинг алхам алхмаар урагшлахын хэрээр ер бусын ёс заншил, аймшигт амьтад, түүнтэй дайсагнах эртний омгуудтай тааралдаж явлаа. Гарцаагүй үхлийн аюулаас тэр азаар мултарч, заримдаа шантрах үе их гарч байсан ч тэр угийн тэвчээртэй, зоригтой хүн юм.

 

Цаг хугацаанд мартагдсан хүмүүс нь Эдгар Райс Бурроусын гурамсан зохиолын хоёр дахь ном юм. 1918 оноос хойш энэхүү шинжлэх ухааны уран зөгнөлт зохиол нь сая сая уншигчдыг байлдан дагуулсаар иржээ. Цаг хугацаанд мартагдсан газар ~ зохиолын үргэлжлэл энэ номоос та бүхэн Каспак арлын зэрлэг догшин байгаль, -итгэхийн аргагүй сонин аж амьдралын талаар унших болно.