Номын тухай

Эрт эдүгээ цагийн морин уралдааны түүхэнд хамгийн хол зайд уралддагаараа монголын уламжлалт морин уралдаан өвөрмөц онцлогтой гэдгийг дэлхий дахины судлаачид бүгд хүлээн зөвшөөрдөг билээ. Энэ нь тахийн удамт монгол адууны галбир, бие бүтцийн онцлог шинж, түүнд нийцсэн бие эрхтний хэмжээ, байгал экологийн нөхцөлд зохицсон тэсвэр хатуужил, эд бүгдийн цогц бүрдлийн гайхамшигтай холбоотой боловч эцсийн эцэст монголчуудын морио эрхэмлэн дээдэлж, сайн адуутай болохын төлөө санаа тавин, адууны аж ахуйд ардын селекцийг амьдралд олон зуун жил үр ашигтай хэрэгжүүлж ирсэн хөдөлмөрийн ачаар өнөөгийн монгол адуу бий болжээ.