Номын тухай

 Миний бие бас 1997 онд Япон Англи Орос Монгол идэвхитэй үгсийн толь, 2003 онд Монгол Англи анагаах ухааны толь (Ц.Дагиймаагийн хамт хэвлүүлсэн) Япон эрдэмтэн Ишидагийн судсан зураглалын атлас гэдэг номыг япон англи  хэлээр харьцуулж орчуулж хэвлүүлсэн билээ, бас 2007 онд Латин Орос-Монгол ургамлын толь бичиг хэвлүүлсэн зэрэг өчүүхэн туршлагандаа дулдуйдан. Энэхүү толь бичгийг эмхэтгэн боловсруулж бүтээхээр зориг шулуудан оролдож хэдэн жилийн нүүрийг үзэж энэ сайн өдөр гүйцээлээ. Нэгэнтээ надад англи хэлний эрдэмтэн багш З.Ганчимэг анагаахын судлаачийн эрдэмийн зэрэг горлих зохиолыг англи хэлрүү орчуулахад таны зохиосон монгол англи эмнэлэгийн толь их тус болсон шүү хэмээн баяртай өгүүлсэнд дотроо нэг хүнд ч гэсэн хэрэг болох толь болж хэмээн урамшсан билээ. Англи  Монгол нэр томъёог Англи цагаан толгойн дэс дараагаар бичив. Зарим үед нэр томъёог тэмдэг нэрээр нь толгойлж, нэр үгийг нь дараа нь бичлээ. Уг толийг англи хэлний зохих мэдлэгтэй анагаах болон эрүүл мэндийн шинжлэх ухаан оюутнууд, залуу эмч эрдэмтэд, мөн анагаах, эрүүл мэндийн ухааныг сонирхох сэхээтэн нарт зориулсан тул Англи нэр томъёоны дуудлагыг тусгай хаалтанд хашиж тэмдэглэсэнгүй. Үг нэр томъёог эрэхэд хялбар болгох санаагаар хуудас болгоны зүүн дээд хэсэгт нь тухайн хуудасны  эхний гурван үсгийг онцлон тавилаа.     Мэргэжил нэгт нөхөд, мэргэн дүү нарт минь дуслын төднй хэрэг болбол миний бие баяртай байх болно. М.Шагдарсүрэн