Номын тухай

Өөрчлөлтийг өөрөөсөө эхлүүлж, ур чадвараа нэмэхийг зорьж буй хэн бүхэнд зөвлөхөд мэдсэн сурсан зүйлээ амьдралын дадал ажлын apra барил болгон хэвшүүлэхэд хичээл зүтгэл хамгийн чухал. Ингээд өдөр бүр тохиолддог, анзаардаггүй нэгэн сургамжит түүхээр номоо эхлүүлье.

Нэгэн түлээчин ажилд оржээ. Тэр идэвхи зүтгэл гаргаж орсон эхний өдрөө уулнаас гучин гуалин буулгаж ирсэн байна. Харин маргааш нь эхний өдрөөс илүү хичээж ажилласан боловч хорин долоон гуалин л буулгажээ. Сарын дараа дарга нь мөнөөх залууг ажлын өрөөндөө дуудахад залуу "Би хичнээн хичээсэн ч миний ажлын бүтээмж буурсаар өнөөдөр би нэг ч мод уулнаас буулгаж чадсангүй". Одоо би ажлаасаа гарах хэрэгтэй юм шиг байна гэжээ. Харин дарга нь түүнээс "Чи ажилласан сарын хугацаанд сүхээ ирлэсэн үү" гэж асуужээ. Залуу маш их хичээл зүтгэл гаргасан ч сүхээ ирлэхээ мартсан байлаа.