Энэхүү номонд дурдсан бүгд үнэн бодитой бөгөөд надад хамгийн их дурсамж үлдээсэн үйл явдалд тулгуурлан бичлээ. АНУ-ын Батлан Хамгаалах Яам, Тэнгисийн Цэргийн Хүчний удирдлагууд энэ номын агуулгыг үнэн зөвөөр олон нийтэд хэвлэн тараах зорилгын үүднээс тодорхой хэсгийг хянаж танасан боловч, номонд дурдагдсан бүхэн тэдний санаанд нийцэх ёстой гэсэн үг биш юм. Бид өөр хоорондоо хэрхэн харилцаж байсан талаарх мэдээллийг өөрсдийн ой санамжид тулгуурлан гаргасан тул тухайн үеийн үг хэллэгийг хэрэглээгүй байх талтай.

Би энэ номдоо аливаа нууцын зэрэглэлтэй мэдээллийг ашиглаагүй болно. Пентагоны Аюулгүйн Алба, Тэнгисийн Цэргийн Хүчний газраас аюулгүй байдлыг хангах үүднээс номын агуулгад тодорхой зарим өөрчлөлт оруулах хүсэлт тавьсан билээ. Тэдгээр хүсэлтийг би хүлээн авсан нь үнэн.

Надтай цуг алба хааж явсан олон цэрэг одоо хүртэл «Далайн муур» цэргийн хүчинд зүтгэж байна. Тэдний зарим нь эх орон, ард түмнээ хамгаалах зорилгоор төрийн олон байгууллагад ажилласаар байгаа. Манай улсын дайснууд тэднийг бүгдийг нь яг над шиг дайснаа гэж үздэг байх. Иймээс би тэдний талаарх нарийн мэдээллийг энэ номонд тусгаагүй. Тэд өөрсдийгөө хэн гэдгээ сайн мэднэ. Харин намайг талархаж явдгийг минь ч тэд мэдэх байх гэж найдаж байна.