Номын тухай

Бергяс сэрж, нүдээ нээлээ. Тэр босох гэсэн авч толгой нь ширмэн юм шиг доош гудайна. Анх удаа өдөржингөө хадлан хадсан хүний бие шиг хамаг бие нь шархирна. Гэрийн тооно, хатавчаар нарны туяа тусна. Хаалганы зүүн талд байдаг гэрийн нь ор хураалттай байх ажээ. Бергясын хоолой нь хатах авч ширээн дээрээс домботой айраг босож авахаас залхуу хүрнэ. Тэгээд босох шаардлага гарсангүй, гэрч гучин тав эргэм насны эмэгтэй орж ирлээ. Тэр шүүдэрт угаагдсан цэцэг мэт жавхаалаг харагдана. Гонзгойдуу цагаан царай, очлог хар нүд, өтгөн хөмсөг, зүүн хацар дээрээ хонхорхойтой, залуу бүсгүйнх шиг нарийхан бэлхүүстэй ажээ. Энэ бол Бергясын гэргий Сяяхля байлаа...