Номын тухай

Та хүүхдэдээ худлаа хэлж байсан уу? Эсвэл цаг завгүй гэсэн шалтгаанаар хүүдээ, охиндоо амласан амлалтаа биелүүлж чадаагүй тохиолдол олон байсан уу? Таны амласан худал амлалт, болгоомжгүй хэлсэн үг хүүхдийн чинь насан туршийн хүмүүжилд нөлөөлж болох талаар бодож байсан уу? Цэцэрлэг, сургуульд хүргэж өгөхдөө уйлуулж үлдээхгүйн тулд амттан авч өгдөг хэрнээ сэтгэл зүрхэнд нь өгч бадраах урмын үгс хайрлаж байсан эсэхээ эргэцүүлж нэг бодоорой. Үг гэгч зүйлийн үнэ цэн, утга учир чухам юунд оршино вэ?

Та хүүхэдтэйгээ хамт энэхүү номыг уншихдаа зохиол болон зургийн хослол, уялдаа холбоог сайтар ажиглаарай. Тухайлбал хүүхдийн хувцсыг тод өнгөөр будсан нь хүүхэд бол бидний амьдралын гэрэл гэгээ, аз жаргал гэдгийг харуулахыг зорьжээ. 

Мөн зохиолын эхний зургуудад хүмүүсийн хоорондын харилцаа үгүйлэгдэж буйг, нэг нэгэнтэйгээ ярихгүй байх нь сэтгэл санаанд сөргөөр нөлөөлдөг гэсэн утгыг илтгэх үүднээс хар, бор өнгийг голчлон ашигласан байна.