Номын тухай

Насан туршдаа аз жаргалтай амьдарч болох уу? гэсэн асуултанд ихэнх хүмүүс "Гэр бүл бүхэнд асуудал байдаг. Тиймээс энэ боломжгүй" гэсэн хариултыг сөргүүлэн тавьж, эрс үгүйсгэдэг. Тэгвэл сэтгэлзүйч, гэр бүлийн зөвлөгч, илтгэгч Барбара де Анджелис тэдэнтэй огтхон ч санал нийлдэггүй. Тэрээр "Аз жаргалыг дэргэдээ насан туршдаа чөдөрлөх боломжтой" гэсэн хариултыг өгдөг. Барбара де Анджелис бол Америкийн хамгийн нэр хүндтэй, алдартай сэтгэлзүйчдийн нэг юм. Түүний тавьсан олон арван илтгэл, туурвисан бүтээл нь мянга мянган хосуудад тусалсаар байгаа билээ. Энэ ном бол эрэгтэй, эмэгтэй хүмүүсийн хоорондын хайр сэтгэл, харилцан зохицол, дотно харилцаа, хэрхэн аз жаргалтай гэр бүл байх хийгээд хайр дурлалаа он удаан жил хэрхэн нандигнан хамгаалж, хадгалж явах тухай өгүүлэх болно.