Номын тухай

Хүн төрөлхтний түүх нь гүрэн улсын шастираас бүтэж, улс орны цадиг нь хувь хүний намтраар цогцолж, айл гэрийн хувь заяаг гэр бүлийн гишүүдийн араншин төрх тодорхойлдог билэз. Өөрөөр хэлбэл, бүхий л түүхийн эхлэл нь хувь хүн байдаг. Ялангуяа түүхэн, онцгой эргэлтийн үед аж төрж, нийгмийн өөрчлөлт, хувьсгалын давалгаан дунд амьдралаа өнгөрөөх онцгой тавилан ноогдсон, иймэрхүү үйл явдал дундаас тодорсон хувь хүнийн амьдралын замнал нь түүхэнд онцгой үүрэгтэй.

Универсал түүх бичлэгийн соёлыг үүсгэн хөгжүүлэгч их гүрнийн нэг нь яах аргагүй Монгол Улс мөн болохыг Рашид-ад-Диний Судрыи чуулган, Жувэйнигийн Ертөнцийг байлдан дагуулагчийн түүх зэрэг дэлхийн түүхийн салшгүй хэсэг болсон бүтээлүуд гэрчилдэг. Гэвч монголчуудын шинэ үеийн түүх маш ээдрээтэй. Ялангуяа социалист дэглзмийн үед коммунисг байдлаар үзэл сурталжуулан зохиох бодлогод өртөн гуйвсан, санаатайгаар өөрчлөлт оруулан зохиомжилсон, тэр иь хэдзн үеийнхний үнэмшил болон үлдсэн XX зууны Монгол Улс буюу БНМАУ-ын хувьсгалт түүхийг энд дурдаж болно.