Номын тухай

Цувралын энэ дугаар нь физик хэмжигдэхүүн, томьёо, хэмжих багаж зэргийн тухай нэмж оруулснаараа өмнөх дугаараас ялгаатай. Эдгээрийн тухай оруулах нь угаасаа физикт суралцахын тулд аливаа зүйлийг хэмжих дадлагатай болж, туршилт хийх чадвар эзэмших, үр дүнгээ тооцдог, өөрийн дүгнэлтээ гаргадаг, цаашдын төлөв байдлыг нь урьдчилан таамагладаг болох зэрэг олон талын мэдлэг, чадваруудыг эзэмшсэн байх учиртай гэдэгтэй холбоотой юм. Иймээс физикийн хичээл нь ямар ч хэлбэрээр судлах боломжтой, нээлттэй, хэн хүний олон талын чадварыг хөгжүүлэхүйц өргөн хүрээтэй, угтаа бол бусад шинжлэх ухаануудын суурь нь болсон хичээл юм. Мөн үүнээс гадна хэнээс ч болов зохих хэмжээний математикийн мэдлэгийг шаарддаг гэдгээрээ физикт төдийгүй бусад бүх шинжлэх ухаануудад амжилттай суралцах эх үндэс нь болдог.