Номын тухай

Уг толийн зохиогчид сүүлийн арав гаруй жилд монгол хэлний үгийн сангийн үндсэн нэгж болсон адилтгал үг, нийлмэл үг, хоршоо үг, өвөрмөц хэлц, хэвшмэл хэллэг, ойролцоо утгат үг, эсрэг утгат үг, хүний нэр, газар усны нэр, ерөөл үг, хараал үг, давтмал үг, хэмт үг, тооны тэргүүтнийг цуглуулан, судалгаа хийж дээрх үг хэллэг тус бүрээр их бага хэмжээний толь бичиг зохиосон бөгөөд энэ удаа энэхүү толь бичгүүдэд хэдий орсон боловч монгол хэлний үе үеийн төрөл бүрийн тайлбар толь бичигт хараахан ороогүй үг хэллэгээр "Монгол үгийн утгыг үзүүлэх шинэ толь бичиг" хэмээх энэхүү номыг бүрдүүлэн оюутан сурагч, төрийн албан хаагч, гадаад дотоодын хэл шинжлэлийн мэргэжилтэн болон эх хэлээ шимтэн үзэгч хэн бүхэнд зориулан хэвлүүлжээ. Толь бичгээс үг хэллэг олоход амрыг бодож тухайн хуудасны үг хэллэг бүрийг хуудасны дээд өнцөгт хадаж өгсөн байна.