Номын тухай

Та бүхэнд толилуулж буй энэхүү номонд маркетингийн онолын асуудлыг маш товч, зөвхөн үндсэн ойлголтуудыг дурьдах, маркетингийн төлөвлөлтийн урьдчилсан нөхцлүүд, тэдгээрт нөлөөлөх хүчин зүйлсийн хүрээнд авч үзсэн бөгөөд харин маркетингийн төлөвлөгөө боловсруулах практик үйл ажиллагаанд гол анхаарлаа хандуулахыг хичээсэн болно. Төлөвлөгөөний загвар хүснэгтүүдийг хавсаргасан бөгөөд эдгээрийг бөглөснөөр өөрт байгаа мэдээлэл, туршлага, таамаглал болон компанийхаа давуу талуудыг ашиглан зах зээл дээр үйл ажиллагаагаа амжилттай явуулах маркетингийн бэлэн төлөвлөгөөтэй болоход тань туслах болно.

Маркетингийн төлөвлөгөө зайлшгүй хэрэгцээтэй гэдгийг ихэнх байгууллага, бизнес эрхлэгч мэддэг хэдий ч түүнийг баримт болгон боловсруулахад бэлэн бус байдаг учир энэ байдлыг харгалзан төлөвлөгөөг боловсруулах үе шат бүрийг нарийн дараалалтайгаар авч үзэж, ашиглах хүснэгтүүдийг тайлбарлан танилцуулсанд энэхүү номын практик ач холбогдол оршино.

Энэхүү номыг судалж ашигласнаар маркетингийн төлөвлөгеөгөө боловсруулан хэрэгжүүлэх, бизнесээ зөв залж чиглүүлэхэд тань ямар нэгэн бэрхшээл, хүндрэл учрахгүй гэдэгт гүнээ итгэж байна. Танд амжилт хүсье.