Номын тухай

2009 он. Хорин хоёрдугаар зуун гарахад хэдхэн сар л үлджээ. Нийслэлийн 33 дугаар сургуулийн сурагч Батаа хичээлдээ сууж байлаа. Голограмм хийсвэр дүрсэн багш сүүтэлзэн цахим самбарт тэгшитгэл бичингээ шавь нар луугаа нухацтай харна. Ангийн 21 сурагч гэр гэртээ хичээллэж, багш зайнаас тэднийг хянаж, сахилгагүйтэх гэвэл анхааруулга өгдөг шинэ технологи нэвтрээд удаж буй нь энэ. Батаа дөнгөж тавдугаар ангид сурдаг. Гэвч Палентологийн шинжлэх ухаанд суут нээлт хийнэ гэдэгтээ зуун хувь итгэлтэй явдаг хүү. Харин найз Барсаа нь "Бүтэхгүй мөрөөдөлд бүү авт!" гэж хэлдэг. Энэ үг хор шарыг нь хөдөлгөдгөөс Батаа судалгаагаа улам няхуур хийж, бүх цагаа Үлэг гүрвэлийн музейд өнгөрөөнө.