Монголын түүх, соёлтой салшгүй холбоотой ийм нэгэн дурсгалт газраар энэ ном Та бүхнийг аялуулах болно. Эл номыг бүтээхэд Монгол Улсаас БНХАУ-д суугаа Элчин сайдын яам, түүний хамт олон, бүх талын дэмжлэг туслалцаа үзүүлж ирсэнд гүнээ талархал илэрхийлье. Энэ номд орсон дурсгалт газруудын талаар "Хүннү" студи 2010 онд сурвалжлан явж зураг авч, телевизийн цуврал нэвтрүүлэг, баримтат кино хийсэн бол нэрт кино найруулагч, Ардын жүжигчин, Урлагийн гавьяат зүтгэлтэн Г.Жигжидсүрэн мөн зураг авч, телевизийн цуврал уран бүтээл хийхээр ажиллаж байгааг дурдахад таатай байна.

Ром, Афин, Вавилон, Каир, Константинополь, нангиадын Чан-ань... гээд дэлхийн түүхэнд үлдсэн эртний их нийспэлүүдийн эгнээнд Монголын эзэнт гүрний их нийслэл Дайду-Хаанбалгас зүй ёсоор жагсана аа. Гагцхүү бид үүнийг хийх ёстой бөлгөө.