Шилмэл зохиол (29)

Номын тухай

Энэ бол Оросын зохиолч Эдуард Успенский-гийн бичсэн, 1966 онд анх хэвлэгдсэн хүүхдийн өгүүллэг бөгөөд маш олон хүүхдийн зүрх сэтгэлд хоногшсон найрамдал, тусархаг зангийн тухай хөгжилтэй, сургамжтай түүх юм.

...Хүүхдүүд ээ, та нарын хэнд ч гэсэн хамгийн хайртай тоглоом гэж байдаг шүү дээ. Эсвэл хоёр, бүр таван ч тийм тоглоом байдаг байж болох юм.

Жишээ нь, би жаахан байхдаа гурван хайртай тоглоомтой байлаа. Тэр бол Гена хэмээх том резин матар, Галя нэрт жижигхэн хуванцар хүүхэлдэй бас Чебурашка гэдэг болхидуу, өхөөрдөм хөөрхөн амьтны чихмэл байсан юм.

Гена бол амьдрал дээр байдаггүй, хөгжилтэй, ухаантай матар бөгөөд хотод амьдарч, амьтны хүрээлэнд ажилладаг. Тэр ганцаараа амьдардаг учраас найз нөхөдтэй болохыг хүснэ. Тэгээд сонинд “найз хайж байна” гэсэн зар тавьснаар янз бүрийн амьтад ирж найзууд болдог. Түүний хамгийн дотно найз нь Чебурашка хэмээх жижигхэн, хөөрхөн, хэн ч ямар амьтан гэдгийг нь мэдэхгүй үл мэдэгдэх бяцхан амьтан юм.