Шилмэл зохиол (32)

Номын тухай

Стокгольм хотын хамгийн энгийн нэгэн гудамжинд, бас эгэл жирийн нэгэн байшинд Свантесоныхон гэдэг жирийн нэгэн айл амьдран суудаг байжээ. Аав ээж, Боссе, Бетан, жаал хүү гээд бас л эгэл хүмүүс тэнд амьдардаг. Тэдний бага хүү харин: Би бол энэ хорвоо дээрх хамгийн эгэл жирийн биш жаал гэж хэлдэг байв. Мэдээж тэр нь худлаа л даа. Яагаад гэвэл түүн шиг долоон настай, цэнхэр нүдтэй, чихээ угаадаггүй, өмднийх нь өвдөг урагдсан жаалууд хорвоогоор дүүрэн байгаа шүү дээ. Тийм болохоор тэр хүү бусадтай л адил жирийн нэгэн жаал байсан юм. Боссе харин арван таван настай, хичээл сургуульдаа явж самбарын өмнө гарна гэхээсээ илүү хөл бөмбөгийн хаалганы дэpгэд зогсох дуртай, бас л байдаг л нэг хүү. Бетан арван дөрөвтэй, бусад охидынх шиг л гэзэгтэй охин....