Номын тухай

Хагас сайн өдөр хоёр хуудас бичдэг төсөл минь яг хоёр жилийн хугацаанд үргэлжилж номоо өлгийдөн авлаа. 5 мэргэжлийн англи номыг багадаа хоёр удаа уншиж сэтгэлээ шингээсэн номоо худалдаанд гаргаж байна.

Сүүлийн үед дижитал шилжилт, инноваци гэж ихээр ярих болсон. Гэтэл хэрхэн яаж, ямар арга барил, процессоор дижитал шилжилт хийх вэ? Бизнест үр ашигтай шийдэл нэвтрүүлэх, шинжилгээ хийх процесс юу вэ гэдэг асуултад эрэл хайгуул хийлээ.
Гарааны бизнес эрхлэгч, корпорацын ажилтан, процессоо автоматжуулах, бүтээмжээ нэмэгдүүлэхийг хүссэн хүн бүхэнд зориулсан ширээний номыг бий болголоо.
20 жилийн туршлагаа, 2 жилийн хөдөлмөрөөр, 200 орчим хуудсанд эмхтгэн оруулав. Мэдлэгийг хуваалцах тусам арвиждаг гэдэгт би итгэдэг.

Номын зохиолч М.Отгонбаяр