Номын тухай

Шашны хатуу дэг жаягтай исламын ертөнцөд Хүлэгү хааны үүсгэн төвхнүүлсэн Ил хаант улсын төрийн түшмэл Рашид Ад Дин хэмээх еврей гаралтай, исламын шашинт эрдэмтэн, Юань гүрнээс Тебризэд очиж суурьшсан Болод /Болд/ чинасан хэмээх монгол хүн хамтарч бидний үед уламжлагдан ирсэн Судрын чуулган гэдэг их судрыг бүтээжээ. "Судрын чуулган"-ыг бүтээхэд Хархорум хотоос арван тэмээ судар болон түүнийг дуудах сударч, зураачдыг Ил хаант улсын нийслэл Тебриз хотноо залж авчирсан гэдэг.

Гэвч Судрын чуулганд орсон их хаадын зураг хэмээн бидэнд мэдэгдэж буй зургууд нь монгол хүний зурсан зураг биш байдаг. Тэгж бодохын учир нь монгол хүн хэзээ ч их хаадаа исламын шашны өмсгөлтэй зурахгүй юм. Тэдгээр монгол зураачид хүн амьтан дүрслэн зурахыг чандлан хориглодог исламын ертөнцөд очоод ямар хувь тавилан туулсан бол гэсэн сониуч бодлын үзүүр энэхүү романыг бичихэд хүргэсэн билээ.