Номын тухай

Бидний хэлсэн үг биеллээ отлоо агаарт тогтож байдаг гэвэл та итгэх үү. Үг биелэгдсэний дараа л сарнин алга болдог. "Үүргээ гуйцэтгэх" хүртлээ үг амьд оршин байдаг. Хүн амаараа юу тарина, түүнийгээ хурааж авна" гэсэн мэргэн үг ч бий. Монголчууд бид ч амны бэлгээс ашдын бэлгэ шалтгаална хэмээдэг. Нүүдэлчин Монголчууд эрт үеэс л ажил үйлс бүтэмжтэй байхыг бэлгэдэн бие биедээ сайн сайхан, эрүүл саруул, энх тунхыг хүссэн үгсийг харамгүй хэлдэг байж. Харин өнөө үед техник, технологи гэх мэт олон зүйлээс шалтгаалж бэлгэшээлтэй үгсийг бие биедээ хэлэх нь цөөрсөөр. Уулзаад сапахдаа за дараа ярья гэх жишээний. Хүүхдийн даахь үргээх ёслолд очсон хүн бүр "Аавдаа ачлалтай, ээждээ энэрэлтэй хун болоорой" гэж тоть шиг ар араасаа давтан хэлж байх юм. Гэтэл хүүхдийн даахь үргээх ёслолоор хэлдэг маш олон ерөөлийн үгс байдаг. Тэдгээр үгсийг хэрэглэхээс гадна, та ч мөн амьдарч буй цаг үедээ зохицсон ерөөлийн, мэндчилгээний сайхан үгсийг зохиож, ардын аман зохиолоо хөгжүүлбэл таны үлгэр дуурайл хойч үед хамгийн үнэтэй чухал зүйл болох нь дамжиггүй. Эелдэг найрсаг, сайн сайхныг ерөөж хэлсэн үгсийг энэхүү номд оруулахыг хичээлээ. Уншигч та бүхэн өргөнөөр хэрэглэж, хэлсэн үг тань цаг, зохис, зорилго, өгөөжөө онож байх болтугай.