Номын тухай

Enji's Little Book of Body Care нэртэй энэ ном нь байгалийн гаралтай бүтээгдэхүүнээр биеэ арчлах, цэвэрлэх, амраах зэрэг 60 гаруй жор багтаасан бяцхан ном юм. Энэхүү ном нь бид бие махбод, булчин шөрмөсөө амраах тухай, халуун ус, ургамлын ханд, спа, давсан болон сүүн баннд орох, эфирийн тос болон үнэрлэх үйл явц, бүх төрлийн давс, элсэн чихэр, шаварнуудын ялгаа, ач холбогдол, хэрэглээ, зарим эфирийн тосны ач холбогдол, гоо сайхан, эрүүл мэнд, бие махбодод үзүүлэх нөлөө зэргийг тодорхой тайлбарласнаараа онцлог. Түүнчлэн номонд багтсан жорууд нь хүнс, сүүн бүтээгдэхүүн, жимс ногоо болон үр тариа, нэвс зэргээр хийж болох тул гэртээ гар доорх материалаар хэрэгжүүлэх бүрэн боломжтой. Бүх насныханд тохиромжтрй жоруудаар аав ээж, бяцхан үрсээ арчилж, алжаал тайлж болно. Ингээд арьс арчилгаа, бие арчилгаа, үс хумс арчилгаа гэсэн 3 цуврал номны маань хоёрдахь буюу бие арчилгааны ном нь таны гарт хүрэхэд бэлэн болсон тул хүлээн авна уу