Номын тухай

Дэлхийг таран захирсан монголчуудын өвөг дээдэс Ойрхи Дорнод, Дундад Ази, Энэтхэг гэх мэтчилэн газар, газрын язгууртан дээдсийн уг гарвал болж шингэснийг өгүүлэх юун. Харин гурван голын эхээ сахин үлдсэн монголчуудын энэ бүх адармаатай сөхөрч, боссон түүхэнд дотоод, гадаадын олон хүчин зүйлс үйлчилж ирсний дотор гадаадын хүмүүсийн гүйцэтгэсэн эерэг болоод сөрөг үүрэг эрхгүй сонирхол татахуйц юм. Тэд төрийн зүтгэлтэн, цэргийн жанжин, эрдэмтэн судлаач, лам санваартан, аялагч жуулчин, улс төрийн бодлоготон, дипломатч, тагнуулч наймаачин гэх мэтийн олон янзын дүр төрхтэй байсан ч монголчуудын түүхийг хэлбэршүүлэхэд гүн гүнзгий ул мөрөө үлдээжээ.