Номын тухай

Бидний өнгөрсөн түүхээс хаад ноёд, улс төрчдийн болчимгүй алхам, харалган бодлого үйл ажиллагааг тодхон хардаг ч хүмүүнлэг ардчилсан гэгдэх өнөөгийн нийгэмд хувийн болон бүлгийн эрх ашгийг эн тэргүүн тавьсан улс төрийн ил далд хуйвалдаан оршсоор байгаа нь эртний сургамж өнөө үед ч үнэ цэнээ алдаагүйн нотолгоо юм. Түүх зүсээ хувирган өнөө бидний үед ч давтагдсаар байгааг таньж мэдсэн нь сургамж авч, таньж мэдээгүй нь дахин дахин бүдэрсээр байх нь жам бөлгөө. Ингээд түүхийн эрт эдүгээх адармаа сургамжтай үйл явдлыг баярлан бахдах, эмгэнэн харуусах алив мэдрэмжийг амсан уншсанаар монгол хүн гэдгээ гүнээ ухамсарлан, улс үндсээ, туулж өнгөрүүлсэн зам мөрөө илүүтэй таньж мэдэх буй за хэмээн монголчуудын түүхэнд тохиолдсон хамгийн ээдрээтэй, хүнд хэцүү, сургамжтай түүхээс түүвэрлэн эрхэм уншигч та бүхэнд толилуулж байна.