Номын тухай

Энэхүү ном нь түүхэн эмгэнэлт зохиол юм.

Хангайн их уулсын ар хормойд тал талаасаа сүрлэг өндөр нуруудаар хүрээлэгдсэн уудам талбай түвд хоргой дэлгэж тавьсан адил үзэсгэлэн төгөлдөр үлгэрийн юм шиг харагддаг газар байдаг. Тэнд өнгө бүрийн цэцэг хөл тавих газаргүй дэлгэрч, янз янзын амтат жимс, мөөг, самар, сонгино, манжин бараг байхгүй жимсгүй гэж хэлэхэд хэтрүүлсэн болохгүй нутаг аж. Тэр гараар зассан мэт тэгш ногоон талбарт, хэсэг дэл хад, түүний ёроол даган нарс, царс, хуш модод, тошлой, үхрийн нүд, бусад амтат жимсний төгөл, хад асгаар нь дүүрэн өнгийн цэцэг алагласан ногоон зүлэг, усан тахил мэт ярайж харагддаг бяцхан нуур горхинууд нь нуд баясган, байгаль ямар уран бэ гэж гайхаад баршгүй аж. Энэ үзэсгэлэнт газрыг Хоргой хүрэм гэж нэрлэдэг....