Номын тухай

Талийгаач өрөөний голд ундуй сундуй хэвтэнэ. Тэрбээр унтлагын хувцсан дээгүүрээ улаан ягаан нөмрөгтэй, нүцгэн хөлдөө гэрийн шаахай угласан харагдана. Доктор доош тонгойн өмнө нь ширээн дээр байсан чийдэнг авч хажууд нь тавилаа. Эмчийн туслалцаа шаардлагагүй болсныг мэдэхэд ганц удаа харахад л хангалттай байжээ. Толгойн шарх нь үнэхээр аймшигтай. Гол төмрийг нь богиносгон, гохноос нь арай дээхнэ хүргэж тайрсан хоёр амтай буу цээжнийх нь дагуу хэвтэнэ. Тулгаж буудсан болохоор цэнэг нь тэр чигээрээ нүүр лүү нь цацарч толгойг нь хэдэн хэсэг болгожээ. Гохнуудыг нь зэрэг ажилд оруулахын тулд төмөр утсаар холбосон байв. Дэндүү хүчтэй бууджээ. Өөрийнхөө хүлээх болсон хүнд хариуцлагад дарамтлуусан түрүүч цогцосноос харцаа салгаж үл чадна...