Номын тухай

Зохиогч уг бүтээлээ хэл шинжлэлийн эрдэмтэн мэргэдэд гэхээсээ эгэл жирийн уншигч эрхэмүүдэд танин мэдэх чиглэлээр хялбарчилсан ойлголт өгөх зорилгоор туурвижээ. Монгол бол олон бичиг үсэг эзэмшсэн ховор үндэстэн, тэрнийхээ хэрээр олон хэлний өв дурсгал сувд эрдэнэ үлдээсэн үндэстэн юм. Монголчууд "Кэмүү", "Кэгүү", "Кипу" бичгийг төгөлдөр болгох замаар "Зураасан бичиг" (руни), Шаантаг бичиг (клинопись), "Монголжин бичиг", "Дөрвөлжин бичиг", "Кидан бичиг", "Тод үсэг", "Соёмбо үсэг", "Вагиндрагийн бичиг" хэрэглэж байгаад XX зуунд "Кирилжин бичиг" авсан билээ.