Англи найз охин Китти Жемисон!

Би энэ захидлыг чиний тухай, мөн пони үүлдрийн Петти гүүний тухай надад ярьсан чиний өвөө профессор Ж.Ж.Жемисон гуайгаар явуулав. Тэрээр чамд миний тухай ярьж ч магадгүй, хэрэв үгүй болбоос өөрийгеө танилцуулахад, би Мөнхөөгийн Баярт гэдэг монгол хүүхэд. Энэ захидлыг миний эгч Сэргэлэн англи хэлээр бичлээ. Тэрээр манай монголын нэгэн гадаад хэлний иститутэд англи хэлний багш юм. Би өөрийн хэлэх гэснээ монголоор хэлж, тэрээр англиар бичсэн юм. (Түүний найдаж байгаагаар, хэт их аддаатай бус байгаасай.)

Уул нь би өөрийнхөө тухай бичихийг огт хүсэхгүй байна. Харин өвөг аав чинь алс холын манай орноос танай Валес дахь дархан цаазат бүсэд аваачиж байгаа зэрлэг азарганыхаа тухай бичих гэсэн юм. Түүний хэлснээр, чамд манай уулын зэрлэг азаргатай ижилсэх пони үүлдрийн гүү бий гэсэн. Чиний тэр бяцхан гүү манай азаргатай сайхан ижилсэж дасна гэдэгт итгэж байна. Чиний бяцхан пони гүү өвөг эцгийн чинь хэлснээр, чамайг нохой шиг дагаж явдаг үнэхээр тийм номхон юм уу? Тэгвэл тэр хоёр уулзахдаа яах бол гэж сэтгэл зовнин байна. Учир нь манай зэрлэг азарга бол уулаас, адуучин гэр бүл бидний мэдэж оайгаагаар маш догшин бөгөөд салхинаас өөр юм эдлээгүй адуу шүү дээ.

Түүнийг бид яаж анх олж, яаж барьсан тухай би чамд бичихийг хүсч байна.