Номын тухай

Тэнгэр, газар, байгаль дэлхий, уул усаа дээдлэн, тахиж шүтэж, тэдгээртэй амьдчилан харьцаж ирсэн сэтгэлэг, зан үйл нь хун төрөлхтөн үүсэн бүрэлдсэнийхээ дараахан агуй хаданд гал манаж эхэлсэн тэр үеэс үүссэн бөгөөд түүхийн туршид дэлхийн олон улс орон, түүний дотор дорно дахины улсуудад их, бага хэмжээгээр уламжлагдан хадгалагдсаар ирсэн. Тэр тусмаа Монголчуудын хувьд онцгой гүн гүнзгий, өргөн дэлгэр утга бэлгэдлийг шингээн оршсоор байна.

Эрт балраас эхлэлтэй энэхүү уламжлалт соёл нь байгаль эх, газар усаа үргэлж онгон дагшин байдлаар нь хадгалж, хамгаалахыг эрхэмлэж, мөхөл доройтлоос сэргийлэх, төрийг төвшин байлгаж, түмэн олныг энх амгалан амьдруулахад нэн тустай язгуурлаг эрдэм ухааны баялаг өвийг агуулсан нь тодорхой.