Номын тухай

Мехмет тэнгэр огторгуйг сонирхдог байв. Шөнийн тэнгэрт одод гялалзаад сайхан харагдаж байлаа. Мехмет дурангаа гаргаад бүр ойроос харахыг хүсчээ. Гэтэл дээрээ дугаартай гаригууд байхыг олж хараад нүдэндээ ч итгэж чадахгүй байв. Сэтгэл нь хөдөлж зүрх нь хүчтэй цохилж эхэллээ. Анх олж харсан гариг дээр улаан өнгөөр тоо бичсэн байлаа. Нэгийн тоотой гаригийн цаахан талд хоёр гэсэн дугаартай гариг байв. Дараа нь гурав, дөрөв, тав, зургаа, долоо, найм, ес гэсэн тоотой гаригууд дараалан байрласан байжээ. Мехмет энэ гаригуудыг маш их сонирхож байлаа. Энэ гаригуудаар аялсан бол яасан гоё байх байсан болоо гэж бодов. Яг тэр мөчид түүний толгойд нэгэн бодол орж иржээ. Нэгэн пуужин төсөөлж зохиогоод дээр нь томоор "Мөрөөдлийн пуужин" гэж бичлээ...