Номын тухай

Нэгэн цагт тооноор одод ярайсан намуухан үдэш лааны гэрэлд эмээ өвөөгийн амнаас сонсож, ухаан тэлж уран сэтгэмжийн гэгээн ертөнцөд бодлын жигүүр ургуулж асан үлгэрүүдээсээ дахин баринтаглаж, таны алдрайд өргөн барьж байна. Энэ ном нь Монголын олон багачуулын оюуны мэлмийг нээж, сэтгэл зүрхийг ариун сайхнаар сүлж, ухаан бодлыг нь алсын алсад дагуулж цэлмээх буйзаа. Ерөөс багачуудыг сайн сайхнаар хүмүүжүүлэгч шидэт сургаал бол үлгэр туульс. Хүүхдэд үлгэр уншиж өгөх нь эрдмийн ариун өглөг, эрхэм буян билээ. Ардын уран зохиолч, Төрийн шагналт яруу найрагч Шаравын Сүрэнжав.