Номын тухай

Исгэлэн боловч хүний эрүүл мэндэд маш тустай цангис жимс намагтай газар ургадаг. Цангисыг намар орой болсон хойно түүж авдаг юм. Харин манайхны амтлаг гэж нэрлэдэг өвөлжин цасан доор байсан цангис хамгийн сайн гэдгийг тэр болгон хүн мэддэггүй. Энэ хавар шилмүүст өтгөн ойд дөрөвдүгээр сарын сүүлч хүртэл цастай байсан боловч намагтай газар илүү дулаан байдгийн дээр тэнд энэ үеэр цасгүй байлаа. Митраша, Настя гэдэг хоёр хүүхэд энэ тухай хүнээс сонсож мэдээд, цангис түүхээр зэхэж эхэллээ. Настя бүр хар үүрээр малаа тэжээжээ. Митраша эцгийнхээ хоёр амтай буу, хөтүүний шовшуур, бас луужингаа марталгүй авлаа. Эцэг нь ойд гарахдаа энэ луужингаа мартаж байсан удаа ер үгүй билээ. Митраша ч эцгээсээ...