Номын тухай

Сургуулийн өмнөх насны болон бага ангийн сурагчдын сурах үйл ажиллагааны үр дүн хүүхдийн хараа, сонсголын хүртэхүй, хэл яриаг хөгжүүлэх, бичиж сурахад зориулж хуруу гарын хөдөлгөөнийг сайжруулахаас ихээхэн шалтгаалах тул уг номонд дараах дасгал даалгавруудыг санал болгож байна. 
Үүнд:
Даалгавар №1. Харааны хүртэхүй, анхаарлыг хөгжүүлэх зорилгоор нүдэлж тогтоосон үсгээ, үсэгнүүд дотроос олж бичих буюу будах
Даалгавар №2. Авиан сонсголыг хөгжүүлэх зорилгоор зургуудыг нэрлэж тухайн үзсэн авиатай үгээ сонсголоороо ялган олж зургийн доорхи дөрвөлжин нүдэнд тэмдэглэх
Даалгавар №3. Харааны хүртэхүй, бичих чадвар, үзсэн үсгээ бататган тогтоох, гарын жижиг булчингийн хөдөлгөөнийг хөгжүүлэх зорилгоор өгөгдсөн дармал том үсгийг зааврын дагуу давхарлан зурах
Даалгавар №4. Үсэг нүдлэлт, хараагаар ялган таних, ажигч чадварыг хөгжүүлэх зорилгоор давхарлаж зурсан зургаас үсгийг олж нэрлээд будах
Энэхүү дасгал ажлын дэвтэрийн даалгавруудыг гүйцэтгэхэд багш, эцэг эхчүүдийн оролцоо дэмжлэг чухал үүрэгтэй тул хүүхдээ хичээл сургалт, сурах үйл ажиллагаанд идэвхитэй оролцуулахын тулд тэдний хичээл зүтгэлийг урамшуулж магтаарай.