Номын тухай

Хүүхэд суралцах ерөнхий арга барил эзэмшилгүй сургуульд шууд элсэн суралцах нь багш, эцэг эх болон хүүхдэд өөрт нь бэрхшээл учруулдаг тул та бүхэнд туслах зорилгоор сургуулийн өмнөх насны хүүхдүүдэд зориулж, олон улсын сургуулийн өмнөх боловсролын сургалтын арга зүй, туршлага дээр үндэслэн зураг, тоо, монгол хэл, англи хэл, үгийн сүлжээ, байгалийн ухааны хичээлийг цуврал ном болгон боловсруулан хүргэж байна. Сургуулийн өмнөх насныханд зориулсан энэхүү "Тоо"-ны номын эхний цуврал нь нийт 30 хичээлээс бүрдэх бөгөөд 1-30 хүртэлх тоог нүдлэх, монгол, англиар нэрлэж, бичиж сурах, цэгийн дагуу зурах, бичих дадал олгох, холбох, өнгөөр ялган будах дасгалуудтай.