Номын тухай

Монгол хэл хэлц үгээр нэн баялаг. Хэлц үгэнд ил утга байхаас гадна далд утгыг бас давхар агуулж байдаг. Энэ номонд орсон үлгэрүүд нь хэвшмэл хэлцийн ил ба далд утгыг тайлбарласнаараа жирийн үлгэрийн номноос ялгаатай. Үлгэр бүрийн төгсгөлд тухайн хэвшмэл хэлцийн гол утгыг тайлбарлаж, үлгэрийн агуулгаас ургуулан өөрсдийн амьдралдаа бодож яваасай гэсэн үүднээс цөөн үгээр санамж оруулсан байна. Мөн бие даан ажиллахад зориулж тухайн үлгэрийн агуулгатай утга ойролцоо хэвшмэл хэлцийг оруулжээ. Үлгэрийг уншихын хамт монгол бичгийн мэдлэгээ өөрөө шалгах боломж олгож, дүгнэлт хэсгийг нь монгол бичгээр бичсэн тул та бүхэнд монгол бичгийн чадвараа хөгжүүлэхэд тус дөхөм болно.