Номын тухай

Уг лавлах тольд 3600 орчим толгой үг, 140 орчим теорем, 400 орчим тодорхойлолтын англи эх, монгол орчуулга, 460 гаруй зураг багтжээ. Энэ ном нь толь төдийгүй бодлогын хураамжгүй сурах бичиг юм. Энэ удаагийн хэвлэлд шинээр чиглэл өнцөг, дээш харах өнцөг, биелэг өнцөг зэрэг геометрийн дүрс, гулсах тэгшхэм, нэг (хоёр) чиглэлтэй сунгалт зэрэг геометрийн хувиргалт, хувиргалтын матриц, матрицын үйлдэл, олонлог, их олонлог, олонлогийн гүйцээлт, нэгдэл, огтолцлол, харьцаа, функцийн харгалзаа болон харьцаа ашигласан хоёр зүйл тодорхойлолт, бүхэл функц, Эйлерийн функц, хэллэг, хэллэгийн үгүйсгэл, дизъюнкц, конъюнкц, импликац, эквиваленц, гаргалгаа, шууд баталгаа, эсрэгээс нь баталсан баталгааны англи эх, орчуулгийг оруулсан байна. Бас Фермагийн бага (их) теорем, Эйлерийн хоёр теорем, Хятадын үлдэгдэлийн тухай теорем, Менелейн теорем зэрэг теорем болон шугаман тэгшитгэл, шугаман болон шугаман бус тэгшитгэлийн систем, шугаман тэнцэтгэлбиш, шугаман тэнцэтгэлбишийн систем, Веннийн диаграмм зэрэг бодлого, бодолтын англи эхийг, орчуулгын хамт оруулжээ.