Номын тухай

Психографологи буюу сэтгэц-бичгийн хэв судлалын шинжлэх ухаан нь олон зуун жилийн өмнө үүсч хөгжсөн бөгөөд дэлхий дахинд хүний нөөцийн менежмент, удирдахуйн ухаан, сурган хүмүүжүүлэх ухаан, нийгэм-хүмүүнлэгийн олон салбарын практикт өргөнөөр хэрэглэгддэг. Уг номонд хүний сэтгэц-бичгийн хэв судлалын онцлог, тус шинжлэх ухааны үүсэл хөгжил, хүний зан төлөвийн шинж, бичгийн хэвний хамаарал, бичлэгийн шинжээр зан төлөвийг тодорхойлох арга, гарын үсэгт дүн шинжилгээ хийх арга аргачлал, түүнчлэн зурсан зурагт илрэх хувь хүний онцлогуудын талаар тодорхой ойлгомжтой, энгийнээр тайлбарлан бичжээ. Мөн МУ-ын анхны ерөнхийлөгч П.Очирбат, MCS группын захирлуудын зөвлөлийн дарга Ж.Оджаргал, Бурхан шашинтны төв Гандантэгчилэн хийдийн их хамба Д.Чойжамц болон Монголын төр, нийгэм, урлаг соёл, улс төрийн олон зүтгэлтнүүдийн гарын үсэг, бичгийн хэвийг номондоо жишээ болгон оруулсан нь тун сонирхолтой болсон байна.