Номын тухай

Хүүхдийн хүмүүжил, төлөвшлийн уугуул орчин гэр бүлийг нэгэн бичил тогтолцоо гэж үзвэл, энэхүү тогтолцооны нэг дэд хэсэг нь эцэг эх, нөгөө дэд хэсэг нь үр хүүхэд юм. Хүүхдийг хүн болгох нь нэгдсэн жороор амар хийчих ажил биш гэдгийг манай ард түмэн аль эртнээс ойлгон, хүүхэд тус бүрийн онцлогийг харгалзан ялгавартай хандах зарчмыг "Хүн бүр адилгүй хүлэг болгон жороогүй" хэмээн зүйрлэн хэлсэн нь бий. Энэ номонд дэлхийн олон орны үр сад болох нялх нярайгаас өсвөр үе хүртэлх насны хүүхдийн амьдрал ахуйд түгээмэл тохиолддог бодит жишээ баримтуудад дүн шинжилгээ хийж, хэрхэн оношлох, яавал зохистой болох шийдлүүдийн хувилбарыг зөвлөмжлөн бичсэн байна. Номын гол онцлог нь онол судалгааг номлоогүй, харин хүүхдийн болсон явдлуудын жишээн дээр суурилан, хэн бүхэнд ойлгомжтой практик шийдэл, ашигтай зөвлөгөөг хүргэж байгаад оршино.