Номын тухай

Ямар нэг зүйлийн талаар хэн нэгний бодол санааг сонсмоор, зөвлөмөөр санагдах үедээ бид дэлхийд нэрээ дуурсгасан сод хүмүүсийн үзэл бодлыг сонсон, авах гээхийн ухаанаар хандах боломжтой бол юутай завшаантай байх билээ. "Өнгө өнгийн ишлэлүүд" хэмээх уг эмхтгэлд дэлхийн сод хүмүүсийн хэлсэн үгс болон дэлхийн ард түмнүүдийн дунд ам дамжин хэлэгдсээр ирсэн ишлэл үгсийг орчуулан эмхтгэжээ. Амьдралын баяр хөөр, гуниг, бэрхшээл, өдөр тутмын ердийн явдлууд, онцгой учралууд, онгод, сэтгэл хөдлөл, хайр сэтгэл, урам зоригоос авахуулаад хувцас, хөгжилтэй явдал, хэрэглээ, дэлгүүр хоршоо, шинжлэх ухаан, техник технологи, улс төр, бизнес зэрэг олон өнгийн өргөн сэдэв агуулгыг хамарсан, олон янзын эх сурвалжтай, заримдаа хоорондоо зөрчилтэй, ёжтой егөөтэй, хурц олон ишлэлийг эл номноос унших боломжтой юм.