Номын тухай

Дүрслэгдэж байгаа юмсын хэмжээг зургийн хавтгай дээр томдоогүй, багадаагүй, зохих хэмжээгээ хадгалж байхаар зөв хэмжээтэй зохиомжлох хэрэгтэй. Зохиомж хэмжээ алдаж хэт жижигдүүлвэл хавтгай дээр хоосон зай үлдэх, бас томдвол орон зай агаарлаг байдал нь алдагдаж нүдэнд хэт тулж, харахад эвгүй сэтгэгдэл төрүүлдэг. Иймд юмсыг зургийн талбайд зөв байрлуулах нь натюрмортын зохиомжинд онцгой үүрэгтэй байдаг. Натюрморт зурж сурахад зохиомж, байгуулалт, алслалтын хууль, дүрслэлийн үндэс, материалын чанар ялгаа, зургийн техник ажиллагаа зэрэг онолын мэдлэгт суралцаж дадлага ажлаараа байнга бататгаж байх хэрэгтэй. Уг номонд натюрморт зурах дарааллыг дэлгэрэнгүй тайлбарлаж, жишээ зургуудын дарааллыг нэг бүрчлэн харуулсан байна.