Хүн бүр өөр өөрийн онцлогтой төрөн өөр өер хэлбэрээр ангилагдан үүнийхээ дагуу тунгаан бодох, шийдвэрлэх, үйл хадлөл хийх байдал нь ялгаатай байдаг. Яг одооноос эхлэн та өөрийн хэн болох мөн чанараа олохын тулд хичээл сурлагаас илүүтэйгээр өөрийнхөө талаар судалж, жинхэнэ хүсэж байгаа карьер чинь юу болохыг олж мэдээрэй.
Энэ бүх зүйлийн эхлэл бол мэргэжил сонголт юм. Хэрвээ та ирээдүйн мэргэжлээ сонгох гэж байгаа бол юуг сайн хийдэг, юу хийхийг хүсч байгаа, мөн ямар зүйлийг хийхдээ дуртай байдаг гэдгээ тодорхойлох хэрэгтэй. Олонхи хүн өөрт тохирох ажил мэргэжлээ хараахан мэддэггүй. Та өөрийн мэргэжлээ сонгоход бэлэн байна уу? Магадгүй та өөрийн хүсч буй, илүү ач холбогдолтой зөв мэргэжлээ олж харж чадаагүй байж болох юм. Танд ямар мэргэжил хамгийн сайн тохирох эсэхийг зөвхөн та өөреө л тодорхойлж чадна. Гэтэл үүнийг тодорхойлоход хэтэрхий оройтсон гэж та бодож болох юм. Гахдээ сэтгэлээр унах хэрэггүй, боломж хэзээд байдаг! Энэ номыг уншаад үз. Сонирхлын дагуу жагсаалт гаргаж, тест бөглөн түүний дагуу сонголт хийгээд үз. Шийдвэр гаргахад мэдэж, судлах ёстой тоо баримт, судалгааг "Дэлхийн хөдөлмөрийн байгууллага"-ын нэмэлт мэдээллээр, Монгол улсын үндэсний статистикийн хорооноос хийсэн судалгаа, тоо баримт зэргийг танд тус болох үүднээс орчууплаа. Их сургуульд элсэн орж, диплом авахын төлөө биш өөрийнхөө төсөөлж байгаа мөрөөдлийнхөө зүгт алхам алхмаар явж еөрөе өөртөө эзэн болсон амьдралаар амьдраасай гэж хүсч буй сэтгэлээр энэхүү номыг уншигч танд хүргэж байна.