Номын тухай

 

"Бүх урлагийн дотроос хамгийн чухал нь кино урлаг" гэсэн В.И.Лениний үг бий. Хэдийгээр одоо В.И.Ленинийг муулан буруушаах нь олонтаа байгаа ч түүний хэлсэн энэ үг үнэ цэнээ огтхон ч алдаагуй хэвээр байна. Кино хэмээх энэхүү гайхамшигт урлагийг бүтээхэд ямар нарийн чимхлүүр хөдөлмөр орж, ямар их зовлон бэрхшээл тохиолддогийг уншигч та тэр болгон мэдэхгүй. Тэр бүхнийг зөвхөн киноны уран бутээлчид л сайн мэдэх нь ойлгомжтой.Та бидний, нүдний өмнө жирэлзэн өнгөрч, үйл явдал, уран санаагаараа сэтгэл санааг ховсдон татагч киног бүтээгчдийн зовлон жаргал, зураг авах үед тохиолдсон сонин хачин явдлын тухай өгүүлсэн бэсрэг номын анхныхыг өчүүхэн сэтгүүлч бивээр 'уншигч таны оюуны мэлмийд толилуулж байна. Бас эрхэм хүмүүн та энэ номоос нэг намын үзэл суртал, дарангуйллын сүүдэр, кино урлагт хар мөрөө хэрхэн үлдээж байсныг, кино зураг авах үеэр ямар эмгэнэлт явдлууд тохиолдож болдогийг нэлээд сайн мэдэж авах буй заа.