Номын тухай

Дэлхий ертөнц даяарчлагдаж, түүнийг дагаад хүний нийгмийн болон оюун санааны амьдралд гүнзгий өөрчлөлт гарч буй өнөө үед соел болон хүн төрөлхтний оюун санааны их өв уламжлал хаашаа хөгжих чиг хандлагатай байгаа, тэр нь өнөөдөр бидний тулан ирээд байгаа нийгэм-үзэл санааны шинэ орчинд хэрхэн дасан зохицох тухай асуудал тулгамдсан зүйлүүдийн нэг болоод байна. Үүнд хариулт өгөх шинжлэх ухааны нэг чухал салбар нь соёлыг авч үзэх тухай асуудал мөн.

Соёл судлал, соёлын философи, соёл ба соёл иргэншлийн тухай асуудал өнөөдер дэлхийн олон эрдэмтдийн анхаарлыг татсан асуудал болоод байгаа билээ. Энэ талын судалгаа ч ихээр хийгдэх болов. Эдгээр эрдэмтэн судлаачдын дотроос Оросын соёл судлаач эрдэмтэн П.С.Гуревич дорвитой бүтээлүүд нилээдийг хэвлүүлсэн бөгөөд үүний өмнө бид түүний бичсэн "Соёл судлал" хэмээх номыг нь орчуулсан юм. Энэ эрдэмтэн зөвхөн соёл судлал төдийгүй мөн соёлын философи, соёл иргэншлийн асуудлуудаар ч дорвитой бөгөөд олны анхаарал татсан судалгаа хийсэн байна. Иймд энэ удаа бид түүний "Соёлын философи" хэмээх нэгэн суурь бүтээлийг нь орчуулах зориг хүсэл төрж үүнийгээ оюутан, залуус, уншигч, судлаач та бүхэндээ өргөн барьж байна.